ماذا تفعل عند شراء سياره مستعمله
بيقولك ::
تعمل اية لو رايح تشتري عربية مستعملة؟؟؟
خد بالك كويس من الخطوات دي..و شير عشان الكل ياخد باله 
- أتأكد من أوراق ملكية العربية و ده يشمل أنك تتأكد من رخصة العربية و تاريخ انتهائها و التأكد من تطابق أرقام المحرك و الشاسيه المكتوبه في الرخصه بالأرقام المحفوره على المحرك و الشاسيه.
-أكشف على صاج العربية عشان تتأكد ان العربية سليمة و متعملش بيها حوادث،و ده عن طريق انك تاخد بالك من درجات لون العربية لو لاقيت حتة مرشوشة برا المصنع لازم تتأكد من سبب الرش.
- تشوف العربية مشيت كام كيلو من العدادات.
- تكشف على الموتور و تسمع صوته و تتأكد ان الشكمان مش بيطلع أدخنة غريبة،و تبص على لون العادم الخارج من الشكمان لو كان لون العادم أبيض أو أزرق فاتح فان ذلك يدل على أن الموتور يحتاج الى عمره جزئيه أو كليه بمعنى أن الماتور يطلق عليه في هذه الحاله موتور خفيف أو موتور مفوت.
- لو العربية فيها تكييف ماتنساش تجربه.
-أتأكد من سلامة العجل و البطارية.
- و أخر حاجة سوق العربية عشان تشوف كفاءة العفشه و المساعدين و الفتيس بينقل بمعاك بسهولة ولا لأ و عشان كمان تشوف قوة الموتور كما ينصح برفع السياره في أي محطة من محطات الخدمه اللي في محطات البنزين لفحص شاسيه العربية من تحت.
ليست هناك تعليقات:
إرسال تعليق